صنيه الفخده الضاني بالبطاطس

بسم الله الرحمن الرحيم
حنعمل مع بعض صنيه بطاطس بالفخده الضاني بس
تجنن وخللوا بالكم من صوابعكم احسن تاكلوها وراها
المقادير
فخده ضاني (الوزن)حسب رغبتك
2 كيلو بطاطس مقشره ومقطعه صوابع تخينه شويه
1 ملعقه كبيره بهارات مشكل بس تكون نوع ممتاز
نصف كوب عصير ليمون
2 ملعقه كبيره جوزه الطيب (مطحونه)
ملح _ فلفل _ ماء.
ورق قصدير لتغطيه وجه الصنيه
الطريقه
نغسل الفخده كويس ونبتدى مع بعض يلا بينا
نخلط كل التوابل مع بعض ثم نضع الفخده في صنيه كبيره علي قد حجمها واكبر شويه علشان لسه البطاطس أوكي ....نضع التوابل بعد خلطها علي الفخده ونتبلها كويس قوى ونعمل بها بعض الشقوق علشان ندخل التدبيله داخلها ونتركها ساعتين .. نضع الصنيه علي النار ونشوحها كويس علي جميع الجوانب طبعا مش محتاجين نضع اى نوع دهون خالص علشان الفخده فيها دهنها كفايه قوى ولو كانت محتاجه ممكن نضع شويه زيت اوسمن حسب رغبتك أوكي ..وبعد التشوح كويس نضيف الماء حتي نغطي الفخده ونتركها تغلي غلوتين(ملحوظه خللي الملح في الآخر خالص علشان السوى)وبعد كده غطي وجه الصنيه بورق القصدير وضعيها في الفرن ويكون حاربس خللي بالك ضعي الصنيه علي ارضيه الفرن مش علي الرف..وبعد ساعه أو ساعه ونصف افتحي عليها وعندماتصل لنصف النضج ضعي البطاطس حوليها ومتنسيش الملح ولو محتاجه تزودى ماء علشان سوى البطاطس وغطيها تاني واتركيها حتي ينضج الجميع كويس وأخر ربع ساعه شيلي ورقه القصدير حتي يحمر الوجه ويكون الصوص بتعها معقول علي حسب ما تحبي وتقدم علي سفرتك
وصحتين وعافيه...بس اوعي تنسيني في الدعوات..